Համացանցում հայտնվել է հեռախոսային խոսակցության ձայնագրություն, որն, ամենայն հավանականությամբ, Rap եւ R&B ոճի ռուս երգիչ Տիմատիի եւ փաստաբան Ալեքսանդր Դոբրովինսկիի միջեւ է տեղի ունեցել։ Վերջինիս մասին մամուլը գրում է, թե նա իբր Ֆիլիպ Կիրկորովի շահերն է պաշտպանում։
Հիշեցնենք, որ վերջերս Թիմաթին եւ Կիրկորովը Թվիթերում «բախվել էին» միմյանց։
«Ֆիլիպը «ծեծելու» համար հարմար տղա չէ։ Դուք հասկանո՞ւմ եք, որ կարող են հետեւանքներ լինեն» ,- ձայնագրության մեջ լսվում է Դոբրովինսկիի ձայնին նման ձայնը, որն ուղղված է իբր Տիմատիին, եւ ակնարկում է դատական գործ սկսելու մասին։
Տիմատին հասկանում է փաստաբանի ակնարկը, կարկամում, իսկ հետո նշում, որ ինքը Ֆիլիպ Կիրկորովին իսկական պրոֆեսիոնալ է համարում։
Նշենք, որ որոշ լրատվամիջոցներ կասկածի տակ են դնում ձայնագրության իսկությունը։
Ինչպես ավելի վաղ հայտնել էր NEWS.am-ը, Թիմաթիի եւ Կիրկորովի միջեւ բանավեճը սկիզբ էր առել МУЗ-ТВ երաժշտական մրցանակաբաշխությունից հետո՝ Թվիթեր սոցիալական կայքում։ Սոցցանցում միմյանց «խրատ տալուց հետո» Տիմատին տեսահոլովակ է նկարահանել «Давай до свидания» վերնագրով, որում «մայրուղի է հանում» ռուսաստանյան շոուբիզնեսն ու Կիրկորովին։
Առաջացած սկանդալի պատճառով МУЗ-ТВ-ի ղեկավարությունը որոշել է փակել մրցանակաբաշխությունը։