Սարգիս Հացպանյանին Հայաստանում ապրելու իրավունքը երեկ տվել են: Նրան մեկ տարվա կացության ժամանակավոր կարգավիճակ է տրվել: Այդ մասին գրում է «Առավոտ» թերթ:
«Սա լավ նվեր է Հացպանյանների համար, որոնց մոտ երեկ ընտանեկան տոն էր` դստեր ծննդյան տարեդարձն էր: Ուրախալի է նաեւ այն, որ Սարգիս Հացպանյանին տրամադրվել է նաեւ ելքի իրավունք, եւ այժմ նա կարող է կատարել իր ցանկությունը՝ այցի գնալ հոր գերեզմանին` Գերմանիա: Հիշեցնենք, որ Սարգիս Հացպանյանի հայրը մահացավ, երբ նա բանտում էր»,- գրում է «Առավոտը»:
