Տարբեր տվյալներով` Ինդոնեզիայի ռազմաօդային ուժերի օդանավի վթարի արդյունքում երեքից ինը մարդ է զոհվել:
Տեղական Detik.com կայքին հղում անելով` «ՌԻԱ Նովոստին» հայտնում է, որ զոհվել են օդաչուն, երկրորդ օդաչուն եւ անձնակազմից եւս մեկ մարդ:
Lenta.ru-ն, հղում անելով AFP-ին հայտնում է, որ ինքնաթիռում յոթ մարդ է եղել, որոնցից վեցը զոհվել են, մեկը ծանր վիճակում տեղափոխվել է հիվանդանոց: AP-ի տվյալներով, հաստատված է երեք հոգու մահը:
VIVAnews կայքի հաղորդմամբ, Ինդոնեզիայի ռազմաօդային ուժերի Fokker-27 օդանավն ընկել է բնակելի «Ռաջավալի» համալիրի երկու տների վրա, որոնք «Հալիմ» օդանավակայանի եւ համանուն ավիաբազայի անմիջական հարեւանությամբ են գտնվում:
Ընկնելուց հետո օդանավը բռնկվել է, ուժեղ հրդեհը եւս վեց տներում է տարածվել: Ներկա պահին այնտեղ հրշեջ ծառայության տասյակ խմբեր են մեկնում: