Օքսֆորդի համալսարանի պրոֆեսոր Փիթեր Դոնելին հիմնվելով Ալբիոնի բնակիչների գենետիկ բազմազանության վերլուծության վրա, եկել են այն եզրակացության, որ Բրիտանական կղզիների հնագույն բնակիչներն ուելսցիներն են:
Հետազոտությանը մասնակցել են միայն այն կամավորները, որոնց պապերն ու տատերը բնակվել են այն նույն տարածքում, որտեղ իրենք են ապրում: Բացի գենետիկ նյութերից, գիտնականները նաեւ կամավորների նախնիների ազգանունների մասին են տեղեկություններ հավաքել:
Պրոֆեսոր Դոնելի խոսքով` ուելսցիներն առաջին հերթին գենետիկորեն էապես տարբերվել են Բրիտանիայի մյուս բնակիչներից, եւ երկրորդ` ավելի քիչ են միգրացիոն հոսքերի ենթարկվել: Նրանց ԴՆԹ-ում գիտնականները նկատել են գծեր, որոնք ուելսցիներին մոտեցնում են «վերջին սառցե շրջանից հետո Բրիտանիայում հաստատված մարդկանց հետ»:
