Հունիսի 23-ին, ժամը 09.35-ին, հիվանդանոցից ոստիկանության Արմավիրի բաժնում հաղորդում է ստացվել, որ «ձախ ազդրի միջին երրորդականի միջանցիկ վնասվածք» ախտորոշմամբ իրենց մոտ բուժօգնության է դիմել 35-ամյա Հռիփսիմե Գ.-ն եւ հայտարարել, որ վնասվածքը ստացել է իր այգում աղբ այրելիս` պայթյունի հետեւանքով:
Ոստիկանության լրատվության վարչությունից հայտնում են, թե պարզվել է, որ նույն օրը, ժամը 09.00-ի սահմաններում, իր տան բակում գտնվող անասնագոմի հետնամասում աղբը այրելիս նա պայթյուն է լսել եւ ստացել վնասվածք:
Ոստիկանության ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ նույն օրը, ժամը 09.00-ի սահմաններում, Հռիփսիմե Գ.-ի հարեւանը՝ 26-ամյա Անուշավան Գ.-ն, իր անասնագոմի հետնամասում, իրեն պատկանող «ՆՊ-43» երկփողանի 12 տրամաչափի որսորդական ողորկափող երկփողանի հրացանով կրակել է շան վրա եւ անզգուշաբար մարմնական վնասվածք պատճառել Հռիփսիմե Գ.-ին:
Հրացանը, 2 դատարկ պարկուճները առգրավվել եւ ուղարկվել են փորձաքննության, կատարվում է նախաքննություն: