Եթե ներկայումս Հայաստանում վարվող քաղաքականությունից գոհ ենք, ուրեմն պետք է հիանանք նաեւ կառավարության ծրագրով: Այս մասին, այսօր` հունիսի 26-ին, լրագրողների հետ հանդիպման ժամանակ նշեց ԱԻՄ նախագահ Պարույր Հայրիկյանը, հավելելով, որ ինքը ռազմավարական տեսանկյունից է նայում Կառավարության ծրագրին, հաշվի առնելով, որ երկիրն ունի շատ լուրջ դեմոգրաֆիական խնդիր:
Լրագրողի դիտարկմանը, թե չի՞ պատրաստվում իր առաջարկությունները ներկայացնել Կառավարությանը, ԱԻՄ նախագահը նշեց, որ ներկայացրել է, բայց դրանք դրական վերաբերմունքի են արժանացել միայն բանավոր մակարդակով: Վերջինս ստեղծված իրավիճակում կարծում է, որ անպայման պետք է առաջադրի իր թեկնածությունը նախագահական ընտրություններում:
Լուսանկարը` Սոնա Բարսեղյանի