Քոլորադոյում շարունակվող հրդեհներից արդեն երկու մարդ է զոհվել: Փրկարարները Քոլորադո-Սփրինգսից եւս մեկ զոհի մարմին են գտել:
Շուրջ 400 հազար բնակչությամբ քաղաքից տարհանվել է ավելի քան 30 հազար մարդ, նրանցից շատերը շարունակում են մնալ ամերիկյան Կարմիր խաչի ճամբարում: Նրանց այցելել է աղետի վայր մեկնած նախագահ Բարաք Օբաման, գրում է «Ազատություն» ռադիոն:
Հրդեհների արդյունքում միայն Քոլորադո-Սփրինգս քաղաքում շուրջ 350 տուն է այրվել: Կրակն ընդգրկել է Յուտա, Մոնթանա եւ Քալիֆորնիա նահանգների տասնյակ քմ տարածքներ: