Հայտնի ֆրանսիացի դերասանուհի Կատրին Դենյովը Մոսկվայի միջազգային կինոփառատոնում ստացել է «Հավատում եմ» մրցանակը, որը տրամադրվում է դերասանական վարպետության բարձունքները նվաճելու եւ Ստանիսլավսկիի դպրոցի սկզբունքներին հավատարիմ մնալու համար:
Դենյովը ժամանել է Մոսկվա, որպեսզի Մոսկովյան կինոփառատոնի փակմանը ներկայացնի Քրիստոֆ Օնորեի «Սիրահարվածները» մելոդրաման:
Ինչպես հաղորդում են ռուսական լրատվամիջոցները, այդ ֆիլմը թեթեւաբարո եւ անհոգ սիրային կյանքի մասին է, որը վարել է կինը 1960-ական թվականներին եւ սիրո տանջանքների մասին, որոնք ապրում է նրա դուստրը մի քանի տասնամյակ հետո: Դենյովը խաղացել է մոր դերը, իսկ դստեր դերը խաղացել է իր եւ Մարչելո Մաստրոյանիի դուստրը` Կյարա Մաստրոյանին: