Ֆրանսահայ աշխարհահռչակ շանսոնիե Շառլ Ազնավուրը կմասնակցի Ախալցխայի Ռաբաթ ամրոցի վերականգնման առթիվ կայանալիք տոնական համերգին, հաղորդում է «Գռուզիա-օնլայնը»:
«Ռուսթավի 2» հեռուստաալիքի հաղորդմամբ, Ազնավուրը 25 հոգանոց երաժշտախմբով օգոստոսի 16-ին մեկուկես ժամվա ընթացքում կկատարի իր հիթերը: Վրացական իշխանությունները հիմնովին վերականգնել են Ռաբաթ ամրոցը` բերելով նախնական տեսքին: Ամրոցում տեղակայվել են զբոսաշրջային օբյեկտներ` հյուրանոցներ, սրճարաններ: Այժմ ավարտին է մոտենում ամֆիթատրոնի կառուցումը, որտեղ հանդես կգա Ազնավուրը:
