Օգոստոսի 2-ին, ժամը 22.06-ին Հրազդանի ՀԷԿ-ից ահազանգ է ստացվել, որ «Սեւան-Հրազդան կասկադ» Հրազդան ՀԷԿ-ի ջրանցք մարդ է ընկել, որին դուրս բերելու համար անհրաժեշտ է փրկարարների օգնությունը:
ԱԻՆ լրատվական ծառայությունից հայտնում են, որ դեպքի վայր են մեկնել Կոտայքի մարզային փրկարարական ջոկատը եւ հատուկ ջրափրկարարական ջոկատի 6 ջրասուզակ։
Ժամը 00.15-ին Հրազդան ՀԷԿ-ի պաշտպանիչ ցանցի հատվածում հայտնաբերվել է Հրազդանի բնակիչ, 57-ամյա Խաչիկ Հայրապետյանի դին:
