News
Լրահոս
News
Հինգշաբթի
Օգոստոս 11
USD
405.78
EUR
415.48
RUB
6.71
Տեսնել լրահոսը

«Ոսկրածուծի դոնորների հայկական ռեեստր» բարեգործական հիմնադրամը ԼՂՀ առողջապահության նախարարության, գիտության եւ կրթության նախարարության հետ համատեղ, սեպտեմբերի 27-ին եւ 28-ին իրականացրեց մեծամասշտաբ դոնորագրում Լեռնային Ղարաբաղի Հանրապետության մայրաքաղաք Ստեփանակերտի երեք համալսարաններում: Համագործակցության արդյունքում 750 կամավորներ համալրեցին Ռեեստրի շարքերը:

Համաձայն ձեռք բերված պայմանավորվածությունների, Հիմնադրամի աշխատակիցները, կամավորները եւ տնօրինությունը սեպտեմբերի 27-ին դոնորագրում իրականացրին Արցախի Պետական Համալսարանում:

Իր բացման խոսքում Հիմնադրամի բժշկական տնօրեն Դ-ր Միհրան Նազարեթյանը շնորհակալություն հայտնեց ներկաներին, ԼՂՀ առողջապահության նախարարին, Համալսարանի տնօրինությանը եւ դասախոսական կազմին, որին հաջորդեց Հիմնադրամի գործունեությունը ներկայացնող ֆիլմի ցուցադրումը եւ դոնորագրումը:

Դոնորագրվեցին ավելի քան 450 կամավորներ, որոնց թվում էին ԼՂՀ առողջապահության նախարար տիկին Զոյա Լազարյանը, գիտության եւ կրթության նախարար պարոն Սլավիկ Ասրյանը, Արցախի Պետական Համալսարանի ռեկտոր պարոն Ստեփան Դադայանը եւ այլոք:       

Սեպտեմբերի 28-ին դոնորագրումները շարունակվեցին Ստեփանակերտի Թամար Քամալյանի անվան Պետական Բժշկական Քոլեջում եւ ՀՀ Պետական Ագրարային Համալսարանի Ստեփանակերտի մասնաճյուղում, որտեղ դոնորագրվեցին 300 կամավորներ:

Նույն օրը Հիմնադրամի նախագահ Դ-ր. Ֆրիդա Ջորդանը եւ Հիմնադրամի գործադիր տնօրեն Սեւակ Ավագյանը ԼՂՀ առողջապահության նախարար տիկին Զոյա Լազարյանի ուղեկցությամբ հյուրընկալվեցին ԼՂՀ Նախագահ Պարոն Բակո Սահակյանին, ով իր խոսքում ողջունեց Հիմնադրամի մարդասիրական եւ ազգանվեր գործունեությունը ի նպաստ աշխարհասփյուռ հայերի եւ իր շարունակական աջակցությունը հայտնեց Լեռնային Ղարաբաղում Հիմնադրամի նախաձեռնություններին:

Տպել
Ֆոտոռեպորտաժներ