NEWS.am-ը բացառիկ հարցազրույց է ներկայացնում Հայաստանի արդյունաբերողների եւ գործարարների միության նախագահ Արսեն Ղազարյանի հետ` հանրապետության արդյունաբերության խնդիրների հետ կապված.
-Ինչպե՞ս եք գնահատում անցնող տարում Հայաստանում տնտեսության իրավիճակն ընդհանուր առմամբ: Ինչպիսի՞ ձեռքբերումներ են եղել այդ ոլորտում:
-Գնահատելով երկրի տնտեսական վիճակը` առաջին հերթին պետք է նշել, որ մենք վերջնականապես հաղթահարեցինք գլոբալ ճգնաժամի հետեւանքները: Տնտեսությունը դուրս եկավ այն աստիճանի վրա, երբ նրա աճը դառնում է տրամաբանական եւ անգամ անշրջելի: Եթե, իհարկե, նոր ֆորսմաժորային երեւույթներ չլինեն համաշխարհային տնտեսության մեջ...
Սակայն վերջերս Դավոսում կայացած Համաշխարհային տնտեսական ֆորումում լավատեսական նոտաներ էին հնչում: Ընդհանուր առմամբ, դրական տեղաշարժեր են նկատվում ինչպես Եվրոպայում, այնպես էլ ԱՄՆ-ում:
Անցած տարվա ձեռքբերումներից հատկապես կառանձնացնեի կառավարության քաղաքականության մեջ որակական փոփոխությունը արդյունաբերության նկատմամբ, որի զարագացումը մեր տնտեսության համար առաջնային եւ անհրաժեշտ է դառնում: Նախկինում տնտեսության մեջ արդյունաբերությունը համարվում էր «բնագավառ» եւ քիչ էր մնում անգամ` «ենթաբնագավառ»: Տարիներ առաջ հույսը կապում էին շինարարության, զբոսաշրջության եւ ծառայությունների ոլորտների հետ, սակայն հիմա ամեն ինչ արմատապես փոխվել է:
Հայաստանի արդյունաբերության զարգացման ռազմավարությունը շուկայի կողմնորոշման առաջին լուրջ փորձն է հեռանկարային ճյուղերի ի հայտ բերման, որին պետք է ուղղել ներքին եւ արտաքին ներդրումային հոսքերը: Ռազմավարության հետեւողական իրականացման արդյունքում մենք անցած տարի կարողացանք արտահանման ծավալն ավելացնել 7%-ով:
Վերջերս վարչապետի մոտ մեր ակտիվի հանդիպման ժամանակ գործարարներին խնդրանք եղավ ներդրումնային ծրագրեր ներկայացնել, որոնց քննարկումից հետո պետությունն աջակցություն կցուցաբերի` սկսած վարկերի սուբսիդավորումից, բանկային երաշխիքներից եւ այլն: Այսինքն, այն ծրագրերը, որոնք նոր աշխատատեղերի ստեղծման են հանգեցնելու եւ ուղղվելու են արտահանման ընդլայնմանն ու դիվերսիֆիկացմանը:
Մեզ մոտ, ինչպես տեսնում եմ, աշխարհընկալման բեկումն ակնհայտ է, մենք գիտակցում ենք, որ հայրենական արդյունաբերությունը պետք է զարգանա արտաքին շուկաներ էքսպանիայի միջոցով, քանի որ ներքին շուկան չափազանց հագեցած է: Ներքին շուկայի համար միակ տարբերակը ներմուծմանը փոխարինող արդյունաբերական ճյուղերի զարգացումն է, ինչին պետությունը կարեւոր նշանակություն է տալիս:
Երկրի նախագահն իր ելույթներում հստակ նշել է, որ արտահանման զարգացմանն ուղղված խոշոր ծրագրերի դեպքում պետությունն օրենսդրական ճանապարհով պատրաստ է արտոնություններ տրամադրել վարկերի եւ մաքսային ծառայությունների առումով:
Սա այն է, ինչ ես համարում եմ անցած տարվա կարեւոր ձեռքբերումը:
-Ո՞րն էր անցած տարի արտասահմանյան ներդրումների նվազման պատճառը:
-Պատճառները մի քանիսն են: Առաջինն այն է, որ Հայաստանի համար պոտենցիալ ներդրող համարվող երկրներում ճգնաժամի հետեւանքներն ամբողջությամբ հաղթահարված չեն: Մենք, ունենալով փոքր տարողությամբ շուկա, դուրս եկանք ճգնաժամից: «Նրանց» մոտ իրավիճակն այլ է:
Այդ երկրներում հարկային քաղաքականությունը, կապիտալի երաշխիքները, արժեթղթերի շուկայի տատանումները առաժմ չեն կայունացել: Այդ իսկ պատճառով օտարերկրյա ներդրումների ոլորտում մենք մեր նպատակներն ենք հետապնոդում: Մենք պետք է համոզենք եւ ապացուցենք, որ Հայաստանի տնտեսության պայմանները բարենպաստ են օտարերկրյա ներդրումների համար:
Երկրորդ պատճառն այն է, որ տնտեսության այն ոլորտներում, որտեղ արտասահմանյան բիզնեսի կողմից իրական ներդրումներ են հնարավոր, պահանջվող ներդորումների հարցը կարծես ավելի վաղ լուծվել էր: Ինչպես գիտեք, վերջին շրջանում տնտեսության մի շարք ոլորտներում խոշոր միջոցներ են ներդրվել:
Բացի այդ, օտարերկրյա խոշոր ներդրումների համար տարածաշրջանում կայունություն է անհրաժեշտ: Մեր տարածաշրջանը որոշակի ռիսկ է պարունակում խոշոր ներդրողների համր, ինչն ուղղակիորեն արտահայտվում է նաեւ Հայաստանի տնտեսությունում ներդրումների վրա:
- Հայաստանին ինչպիսի` ագրարայի՞ն, թե՞ արդյունաբերական երկրի հեռանկար է սպասվում, թե՞ երկու ուղղություններն էլ պետք է լինեն, եւ գյուղատնտեսությունը դառնա վերամշակող արդյունաբերության համար հումքի մատակարար:
-Հայաստանը ես արդյունաբերական երկիր եմ պատկերացնում, որը մենք ունեցել ենք անցյալում: Սակայն մենք ամբողջությամբ արդյունաբերական երկիր չենք դառնա, քանի որ չունենք մի շարք լիարժեք գործող ոլորտներ: Բայց մի ժամանակ չկար արդյունաբերության ճյուղ, որը Հայաստանը չունենար:
Մեր երկիրն ինչ-որ ժամանակ աշխատել էր խորհրդայի «կայսրության» շուկայի վրա, եւ արդյունաբերության գծով այդ ժամանակվա քաղաքականությունն իրեն արդարացնում էր: Սկզբունքորեն, մենք կարող էինք պահպանել հետխորհրդային տարածքի արտաքին շուկայի թեկուզ մի մասը:
Մասնավոր ձեռնարկատիրության զարգացման հետեւանքով արդյունաբերության որոշ ճյուղեր վերականգնվեցին, մյուսների հետ որոշակի հույսեր են կապում...Երկրի արդյունաբերությունում առկա կլինեն այն բնագավառները, որոնց զարգացումը նախատեսված է երկրի արդյունաբերական զարգացման ռազմավարությամբ, եւ մենք պետք է ձգտենք բարձրացնել այդ արտադրանքի մրցունակությունը տարածաշրջանում:
- Ժամանակին մենք հզոր թեթեւ արդյունաբերություն ենք ունեցել` խոշոր ձեռնարկություններով...
-Հայաստանի թեթեւ արդյունաբերությունը կորցրել է իր խոշոր արտաքին շուկան` Ռուսաստանը, եւ «հսկա գործարանների» անհրաժեշտությունը ինքնին վերացել է: Հայաստանում ներկայումս կան թեեւ արդյունաբերության տասնյակ ոչ մեծ ձեռնարկություններ, որոնք, ի դեպ, արդյունավետ են գործում: Օրինակ, Վանաձորում, Գյումրիում...
Գյումրիում նախկին տրիկոտաժի ֆաբրիկայի բառացիորեն մնացորդների վրա նոր ձեռնարկություն է ստեղծվել, որը հաջողությամբ զարգանում է` հիմնականում աշխատելով արտահանման վրա: Դա հաջող մենեջմենթի արդյունք է: Եղել է նաեւ ուրիշ դեպք: Ժամանակին թեթեի ադյունաբերության թոլինգով ընկերությունները դրսից վատ պատվերներն չէին ստանում: Սակայն նրանցից որոշներին ագահությունը պատեց, սկսեցին բարձրացնել արտադրանքի գները եւ կորցրեցին պատվիրատուներին:
-Այդ ժամանակ ձեռնարկատերերը բողոքում էին ԱՄՆ դոլարի փոխարժեքի կտրուկ նվազումից, ինչի պատճառով բարձրացավ արտադրանքի ինքնարժեքը օտարերկրա ներդրողների եւ պատվիրատուների համար...
-Այո, ճիշտ եք: Դրամի ամրապնդումը եւս դրանում դեր ունեցավ: Սակայն մենք ունենք պոտենցիալ: Թեթեւ արդյունաբերության ձեռնարկությունները ստեղծել են իրենց ճյուղային ասացիացիան` գործունեության համակարգման համար: Սակայն առաժմ արտադրության ծավալն ընդհանուր առմամբ փոքր է եւ տրոհված: Ցավոք, ձեռնարկատերերը չեն միավորվում, բայց դա թույլ կտար նրանց ավելի հզոր դառնալ, կնապաստեր ինքնարժեքի նվազմանն ու արտադրանքի մրցունակության բարձրացմանը...
Զրուցեց Ալբերտ Խաչատրյանը