Եվրամիությունը հույս ունի, որ Վիլնյուսում բարձրագույն մակարդակով հանդիպումը որոշակի արդյունքներ կտա եւ կհաջողվի Հայաստանի, Վրաստանի եւ Մոլդովայի հետ ասոցացման մասին համաձայնագիր կնքել, նաեւ՝ առաջընթացի հասնել Ադրբեջանի հետ բանակցություններում:
Այդ մասին Թբիլիսիում «Արեւելյան գործընկերության» շրջանակում փետրվարի 12-ին ոչ պաշտոնական հանդիպման ժամանակ հայտարարել է Եվրամիության ընդլայնման եւ եվրոպական հարեւանության քաղաքականության հարցերով հանձնակատար Շտեֆան Ֆյուլեն:
Հիշեցնենք, «Արեւելյան գործընկերության» շրջանակում ոչ պաշտոնական երկխոսության երկրորդ փուլը Թբիլիսիում անցկացվում է փետրվարի 12-13-ին:
ԵՄ կողմից մասնակցում է ընդլայնման եւ եվրոպական հարեւանության քաղաքականության հարցերով հանձնակատար Շտեֆան Ֆյուլեն, ԵՄ-ի բարձրագույն ներկայացուցչի արտաքին գործերի գծով տեղակալ Հելգա Շմիդտը եւ Եվրահանձնաժողովի փոխնախագահ , տրանսպորտի հարցերով ԵՄ հանձնակատար Սիյմ Կալասը:
«Արեւելյան գործընկերության» երրորդ գագաթաժողովը կկայանա նոյեմբերի 28-29-ին Վիլնյուսում:
