Այսօր՝ մարտի 18-ի երեկոյան, Ամենայն հայոց կաթողիկոս Գարեգին Բ-ն կմեկնի Վատիկան, ուր մարտի 19-ին ներկա կգտնվի Հռոմի նորընտիր Ֆրանցիսկոս Պապի գահակալության արարողությանը:
Այցի ընթացքում նրան ուղեկցելու են Մայր Աթոռ Սուրբ Էջմիածնի Հրատարակչական բաժնի տնօրեն Տ. Նաթան արքեպիսկոպոս Հովհաննիսյանը, Մայր Աթոռի Միջեկեղեցական հարաբերությունների գրասենյակի տնօրեն Տ. Հովակիմ եպիսկոպոս Մանուկյանը եւ գավազանակիր Տ. Անանիա աբեղա Ծատուրյանը:
