Ազգային ավիափոխադրող «Արմավիա» ավիաընկերության սնանկացման գործընթացը մի շարք խնդիրներ է առաջացրել, որոնցից է նաեւ բարոյական տեսակետից կարեւոր մի հարց` ինչպե՞ս պետք է թռչեն վետերաններն ու նրանց հավասարեցված անձինք:
Նախկինում վետերաններին եւ նրանց հավասարեցված անձանց պետության կողմից մեկ անվճար թռիչքի վճարման կտրոններն իրացվում էին հենց «Արմավիայի» միջոցով: Սակայն ապրիլի 1 –ից ընկերությունը դադարեցրել է թռիչքները եւ հայտարարել էր սնանկության գործընթացի մեկնարկի մասին:
Այսպիսով, «Արմավիայի» սնանկացման հետեւանքով վետերանները կզրկվեն անվճար թռիչքի հնարավորությունից: Ուշագրավ է, որ «անակնկալը» համընկավ Մեծ հայրենականում Հաղթանակի օրվա հետ:
Հարցը, թե ինչպես են իրացվելու կտրոնները, դեռ օդում կախված է մնում: Ակնհայտ է մեկ բան, որ վետերաններն իրենց կենսաթոշակով ի վիճակի չեն տարեկան թեկուզ մեկ անգամ դուրս գալ երկրից: