Nabucco նախագծում նոր գործընկեր է դարձել ֆրանսիական հաղորդակցական-էներգետիկ GDF Suez SA ընկերությունը, որը գնել է ավստրիական OMV էներգետիկական ընկերության մոտ 9%-ը գազատարի նախագծում: Այդկերպ GDF Suez-ը փոխարինել է գերմանական RWE AG-ին, որը 2013թ. ապրիլին Nabucco-ում իր 17%-ը վաճառել էր ավստրիական OMV-ին: Բաժնետոմսերի փաթեթը փոխանցվել էր марта 2013թ. մարտի 1-ին: Գործարքի գինը եւ այլ մանրամասներ չեն հաղորդվել:
Սպասվում է, որ GDF Suez-ի եւ OMV-ի միջեւ գործարքը կավարտվի 2013թ. երկրորդ կեսին: Ընկերությունները պայմանավորվել են չբացահայտել գործարքի ֆինանսական պայմանները եւ մյուս մանրամասները, հաղորդում է rbc-ն:
RWE-ն երկրորդ ընկերությունն է, որը կասկածի տակ է դրել Nabucco-ում մասնակցության նպատակահարմարությունը: 2012թ. ապրիլին MOL-ը հայտնել էր նախագծից դուրս գալու պատրաստակամության մասին` նման անհրաժեշտություն առաջանալու դեպքում:
OMV-ից եւ GDF Suez-ից բացի Nabucco-ի բաժնետերեր են նաեւ բուլղարական BEH ընկերությունների խումբը, թուրքական Botas-ը, հունգարական նավթագազային MOL ընկերությունը եւ ռումինական Transgaz խումբը:
Nabucco-ն հսկայական գազատար է, որի նպատակն է գազը Կենտրոնական Ասիայից Եվրոպա հասցնել` շրջանցելով Ռուսաստանը: Սկզբնապես հիմնական մատակարարներ էին դիտարկվում Ադրբեջանը, Իրանը եւ Թուրքմենստանը:
