Սեփական արբանյակի թողարկման եւ այն ՀՀ-ին հատկացված գեոստացիոնար ուղեծրում տեղակայելու նպատակով 2012 թ. ՀՀ տրանսպորտի եւ կապի նախարարության համակարգում ստեղծվել է «Արմկոսմոս» փակ բաժնետիրական ընկերությունը:
Հայաստանի տրանսպորտի եւ կապի նախարարության աշխատակազմի ղեկավար Գ. Գրիգորյանը NEWS.am-ին ասաց, որ ներկայում նախարարությունը գեոստացիոնար ուղեծրային դիրքի իրավունքի գրանցման նպատակով համապատասխան միջազգային հայտ է ներկայացրել Հեռահաղորդակցության միջազգային միությանը (ՀՄՄ):
ՀՄՄ-ի կողմից ուղեծրային դիրքի իրավունքի գրանցման եւ հետազոտական աշխատանքների ավարտից հետո բանակցություններ կտարվեն արբանյակի նախագծման եւ կառուցման, ֆինանսավորման աղբյուրների եւ արբանյակի արձակման ժամկետների վերաբերյալ:
