նախընտրելի դարձնելԿրասնոդարի երկրամասում Նովոսիբիրսկ-Ադլեր գնացքի` հուլիսի 7-ին ռելսերից ընկած հինգ վագոններից երեքը բարձրացվել են, հայտնում է Ռուսաստանի ԱԻՆ-ը:
Քննությունը ճշտում է Կրասնոդարի երկրամասում ուղեւորատար գնացքի վագոնների` ռելսերից ընկնելու երկու հիմնական վարկածները. վագոնների կամ երկաթգծերի անսարքություն: Միաժամանակ, իրավապահ մարմինների աղբյուրները կարծում են, որ պատճառը կարող էր լինել երկաթգծերի անկանոնության հետեւանքով մեքենավարի կտրուկ արգելակումը:
Ըստ վերջին տվյալների` հիվանդանոց է տեղափոխվել 13 մարդ, որոնց թվում հինգ երեխա կա: Բուժօգնության է դիմել 90 մարդ:
Մնացած 603 ուղեւորները չեն տուժել, հաղորդում է ԻՏԱՌ-ՏԱՍՍ-ը: Նրանք այժմ Ադլերի ճանապարհին են, նրանց տեղափոխում է Նովոսիբիրսկ-Ադլեր հատուկ կազմակերպված երթուղով գնացքը: Գնացքը պետք է ժամանի այսօր` ժ. 12:00-ին:
