![](img/news/17/58/47/default.jpg)
Թուրքիայում հերթական տեղեկություն է հայտնվել, որ հայկական պատմական եկեղեցին որպես ախոռ են օգտագործում։ Այս անգամ նման դեպք հայտնի է դարձել Ուրֆա նահանգի Գերմուշ գյուղում։
Թուրքական Urfabugun.com կայքի փոխանցմամբ՝ Գերմուշ գյուղում գտնվող եկեղեցին թեեւ գրանցված է Թուրքիայի մշակույթի եւ տուրիզմի նախարարության պատմական ժառանգության ցանկում եւ ունի 3 լեզվով ծանուցողական տախտակ, այնուամենայնիվ այն որպես ախոռ են օգտագործում։
Կայքում նշվում է, որ Գերմուշ գյուղը, որտեղ հայեր են ապրել, մշտապես ենթարկվում է գանձ որոնողների հարձակումներին։ Գյուղի տարբեր հատվածներում մշտապես գաղտնի փոսեր են անում՝ հայերի թաքցրած «գանձերը» հայտնաբերելու հույսով։