Սիրիայի Քեսաբի 670 հայ ընտանիք ներկայումս ապաստան են գտել Լաթակիայի դպրոցում եւ եկեղեցում: Այս մասին հայտնել է Հալեպի Բերիո թեմի մամուլի ծառայությունը, նշելով, որ նրանց շարքում կան Հալեպից եւ Սիրիայի հայաբնակ այլ քաղաքներից ժամանակին Քեսաբ տեղափոխված հայեր:
Ահաբեկիչներից փրկված հայերին օգնում է Սիրիայի Կարմիր մահիկը, Սիրիահայերի օգնության խաչը, Հունաստանի ուղղափառ եկեղեցու կազմակերպությունը:
Հիշեցնենք, որ մարտի 21-ի առավոտյան Սիրիայի ընդդիմության «Ջեբհաթ ան-Նուսրա» ահաբեկչական խմբավորման ջոկատները հարձակվել էին հայ ալավիներով բնակեցված Լաթակիայի վրա: Ահաբեկչական խոշոր երկու խմբավորումները Սիրիայի վրա էին հարձակվել Թուրքիայի կողմից:
Նշենք, որ իսլամական ահաբեկիչների դեմ գործողություն իրականացնող Սիրիայի ռազմական ուղղաթիռը Քեսաբում խփվել էր թուրք կործանիչների կողմից:
