2014թ. հունվար-ապրիլին Հայաստանում գնաճը կազմել է 1,7%, մայիսի 5-ին լրագրողներին հայտնել է  ՀՀ ազգային վիճակագրական ծառայության գների վիճակագրության եւ միջազգային համադրումների բաժնի պետ Գուրգեն Մարտիրոսյանը: Արդյունաբերական ապրանքների գնաճը կազմել է 3,0%, ալկոհոլինն ու սիգարետինը՝ 5,8%, ոչ արդյունաբերական ապրանքներինը նվազել է  0,7%-ով, ծառայություններինն աճել է 0,2%-ով:

12-ամսյա գնաճը (2013թ. ապրիլի համեմատ) կազմել է 4,4%, արդյունաբերական ապրանքներինը՝ 2.6%, ալկոհոլինն ու սիգարետինը՝ 7,6%, ոչ արդյունաբերական ապրանքներինը՝ 1,8%:

Ծառայությունների գներն աճել են 8,5%-ով (2013թ. հուլիսից գազի եւ  էլեկտրաէներգիայի թանկացման հետեւանքով):