Մարտի 1-ի գործով քննությունը չի կասեցվել: Հատուկ քննչական ծառայության մամուլի քարտուղար Լուսինե Մարգարյանը NEWS.am-ի թղթակցի հետ զրույցում ասաց, որ Մարտի 1-ի գործով ընթանում են ակտիվ քննչական գործողություններ եւ նախաքննության գաղտնիության պահպանության սկզբունքից ելնելով՝ այլ մանրամասներ հաղորդել չեն կարող, այդ թվում՝ քննչական խմբի ղեկավարի անունը:
Նշենք, որ «Հայկական ժամանակը» գրել էր, թե Մարտի 1-ի գործով քննությունը կասեցվել է, վարույթը ոչ մի քննիչի մոտ չի գտնվում, իսկ քննչական խմբի ղեկավար Վաղինակ Ջանազյանը այլ գործի է անցել: