2008թ.-ի մարտի 1-ին Հայաստանում տեղի ունեցած իրադարձությունները մարդու իրավունքների բնագավառում լուրջ խնդիրների մասին են վկայում: Այդ մասին հոկտեմբերի 9-ին մամուլի ասուլիսի ժամանակ հայտարարել է Եվրոպայի Խորհրդում մարդու իրավունքների հարցերով կոմիսար Նիլս Մույժնիեկսը:
Նա ընդգծել է, որ ինքն էլ հիասթափված է քյդ ողբերգական իրադարձության հետաքննության արդյունքների բացակայությամբ: Նիլս Մույժնիեկսի խոսքով՝ նա այդ հարցը բարձրացրել է Հայաստանի Գլխավոր դատախազի եւ այլ պաշտոնական անձնանց հետ հանդիպումների ընթացքում: «Նրանք վստահեցրին, որ հետաքննությունը շարունակվում է»,- հավելել է Եվրոպայի Խորհրդում մարդու իրավունքների հարցերով կոմիսարը:
Հիշեցնենք, որ իշխանության ու ընդդիմության միջեւ հակամարտության ընթացքում 2008թ.-ի մարտի 1-ին Երեւանի կենտրոնում զոհվեցին 8 ցուցարարեն ու Ներքին զորքերի 2 ծառայող: Մարդկանց մահվան համար դեռ ոչ ոք պատժի չի ենթարկվել: