Վրաստանի արտգործնախարար Մայա Փանջիկիձեն հրաժարական է տվել, հայտնում է «Վրաստան օնլայնը»՝ վկայակոչելով այսօր՝ նոյեմբերի 5-ին, երկրի ԱԳՆ-ում տեղի ունեցած հատուկ ճեպազրույցի ընթացքում Փանջիկիձեի հայտարարությանը
Նրա հետ միասին իրենց պաշտոնները լքել են նաեւ նախարարի տեղակալներ Դավիդ Զալկալիանին, Թամար Բերուչաշվիլին եւ Դավիդ Ջալագանիան:
Աղբյուրի փոխանցմամբ՝ Փանջիկիձեն լքում է նաեւ «Վրացական երազանք» կոալիցիան:
Հիշեցնենք, որ նոյեմբերի 4-ին Վրաստանի վարչապետ Իրակլի Գարիբաշվիլին հայտարարել է պաշտպանության նախարարի պաշտոնից Իրակլի Ալասանիայի հեռացման մասին: Նախարարի պաշտոնանկությունից հետո հրաժարական է տվել նաեւ Եվրոպական եւ եվրաատլանտյան ինտեգրման հարցերով պետնախարար Ալեքսի Պետրիաշվիլին:
