Դրամի փոխարժեքի տատանումների մասին քննարկումները կարող են դրական արդյունքներ տալ: Այս մասին, այսօր՝ դեկտեմբերի 17-ին, լրագրողների հետ հանդիպման ժամանակ նշել է Հայաստանի ԿԲ նախագահ Արթուր Ջավադյանը:
Նրա խոսքով՝ այդ թեմայով խորհրդարանի արտահերթ նիստ անցկացնելու մասին քիչ առաջ է իմացել: Այդուհանդերձ, Ջավադյանը նշել է, որ ԿԲ-ն ցանկացած ժամանակ պատրաստ է մասնակցել նման միջոցառման:
«Կարծում եմ՝ ցանկացած քննարկում կամ պարզապես հարցուպատասխան միայն դրական արդյունք կտա»,-ընդգծել է Ջավադյանը:
Նշենք, որ հայկական դրամի փոխարժեքի անկումը շարունակվում է: