Հայաստանյան բանկերում դոլարի եւ եվրոյի փոխարժեքը փոքր ինչ կայունացել է:
Այսօր՝ դեկտեմբերի 19-ին, ժամը 12:35-ի դրությամբ, ըստ rate.am կայքի՝ դոլարի առքը բանկերում կազմում է հիմնականում 450 դրամ, ամենաբարձրը Յունիբանկում է՝ 467 դրամ, իսկ ամենացածրը Մելլաթ բանկում՝ 445 դրամ: Բանկերը դոլար վաճառում են հիմնականում 480 դրամով, ամենացածրը Մելլաթ Բանկում է՝ 475 դրամ, իսկ ամենաբարձրը Ինեկո Բանկում՝ 495 դրամ:
Եվրոյի առքը բանկերում կազմում է միջինը 552 դրամ, ամենաբարձրը ԲՏԱ Բանկում է՝ 573 դրամ, իսկ ամենացածրը Մելլաթ Բանկում՝ 510 դրամ: Բանկերը եվրո վաճառում են միջինը 603 դրամով: Ամենացածրը Մելլաթ Բանկում է՝ 585 դրամ, իսկ ամենաբարձրը 620 դրամ է Առեէկսիմբանկ-Գազպրոմբանկում եւ Արդշինբանկում:
Նշենք, որ դեկտեմբերի 17-ի գիշերվանից դոլարի եւ եվրոյի փոխարժեքները սկսել են նվազել: