«Ժողովուրդ» թերթը գրում է. Թերեւս միայն Հայաստանում կարող է այնպես պատահել, որ սնանկ ճանաչված ընկերությւնը երկրի հազար խոշոր հարկատուների ցուցակում 11-րդ հորիզոնականը զբաղեցնի: Այս, ասվածի մեջ անճշտություն չկա. «Արմավիա» ավիաընկերությունը 2014 թվականի հազար խոշոր հարկատուների ցուցակում զբաղեցնում է 11-րդ հորիզոնականը՝ 7 մլրդ 176 մլն 510 հազար դրամ հարկային վճարումներով:

Հիշեցնենք, որ նախկինում հայտնի օլիգարխ Միխայիլ Բաղդասարովին պատկանող «Արմավիան» իր չվերթները դադարեցրել է դեռեւս 2013-ի ապրիլի 1-ից: Իսկ այս տարվա աշնանը ընկերությունը սնանկ ճանաչվեց: Ընկերությունն ունի մոտ 130 պարտատեր, որոնց թվում են ընկերություններ, բանկեր, նախկին աշխատակիցներ եւ հարկային ծառայությունը:
«Ժողովուրդ»-ը ուսումնասիրեց «Արմավիայի» գործունեության ծաղկման շրջանը, սակայն անգամ այդ ժամանակ խոշոր հարկատուների 20-յակում չի եղել Բաղդասարովի ընկերությունը: Փաստորեն, կուտակված պարտքերի մի զգալի մասը վճարելով՝ մեխանիկորեն «Արմավիան» հայտնվել է խոշորների ցանկում:

Առավել մանրամասն՝ թերթի այսօրվա համարում