Վրաստանի, իսկ նրա միջոցով էլ Ռուսաստանի էներգահամակարգերի հետ զուգահեռ ռեժիմի անցնելու համար Հայաստանը պետք է ռեզերվում պահի էներգետիկ հզորությունների մոտ 30 տոկոսը։ Այդ մասին խորհրդարանում հայտարարել է էներգետիկայի եւ բնական պաշարների փոխնախարար Արեգ Գալստյանը՝ ներկայացնելով Ռուսաստանի հետ ֆինանսական համաձայնագրի նախագիծը՝ ՀԱԷԿ-ի գործողության ժամկետը երկարաձգելու համար (վակ 270 մլն, եւ դրամաշնորհ՝ 30 մլն դոլար)։
Այժմ Հայաստանում կան սպառումը գերազանցող հզորություններ, բայց դրանց մի մասը ռեզերվային են, մյուսը՝ ոչ կոնդիցիոն, ասել է փոխնախարարը։
Դա ներառում է նաեւ Երեւանի ՋԷԿ-ի՝ 550 մՎտ հզորությամբ, ֆիզիկապես եւ բարոյապես մաշված էներգաբլոկը, որը պետությունը չի շահագործում եւ չի էլ պատրաստվում։ Հրազդանի ՋԷԿ-ն ունի 1100 մՎտ հզորություն, որից 300-ը ոչ բլոկայինն է, արդեն գործնականում ապամոնտաժված։ Իսկ 800 մՎտ-ից օգտագործվում է միայն կեսը, այն էլ որպես պահուստային (ձմռանը եւ վթարների դեպքում)։
Հանրապետությունում դեմտեկբերին պահանջվում է մոտ 1600 մՎտ, իսկ հզորությունները՝ մոտ 2400 մՎտ (անվանապես 3200-խմբ.)։