Հայաստանի Ազգային ժողովն այսօր՝ մայիսի 5-ին, վավերացրել է Հայկական ատոմակայանի շահագործման ժամկետը երկարաձգելու նպատակով Ռուսաստանից ստացվող վարկային համաձայնագիրը: Փաստաթղթին կողմ է քվեարկել 11, դեմ 1, ձեռնպահ 3 պատգամավոր: Համապատասխան միջկառավարական համաձայնագիրը ստորագրվել էր այս տարվա փետրվարի 5-ին:
Հիշեցնենք, որ Ռուսաստանից ֆինանսավորումը (270 մլն դոլարի վարկ եւ 30 մլն դոլարի դրամաշնորհ) կուղղվի ՀԱԷԿ-ի վերանորոգմանը: Այն կսկսվի 2017-ին եւ կօգնի երկարաձգել ատոմակայանի շահագործման ժամկետը մինչեւ 2026 թվականը:
Մինչ այդ պիտի կառուցվի նոր էներգաբլոկ, որի շինարարությունը կսկսվի մինչեւ 2018 թվականը: