Վրաստանի նախկին նախագահ, ներկայումս Օդեսայի նահանգապետ Միխայիլ Սահակաշվիլին հայտնել է, թե ինչ պայմանների դեպքում իր վերադարձը Վրաստան հնարավոր կլինի:
«Կարծում եմ՝ երբ Վրաստանում ընտրություններ լինեն, իսկ դրանք լինելու են 1,5 տարի անց, տեսնենք: Երբ Վրաստանի ժողովուրդը որոշի, որ ես իրեն պետք եմ: Ես ինչ-որ դասական քաղաքական գործիչ չեմ, ես գիտեմ՝ ինչ տեսք ունի դա, երբ հարյուր հազարավոր մարդկանց փողոցում չեն կարող կանգնեցնել, երբ ամեն ինչ խաղաղ է, երբ ոստիկանները ծաղիկներ են տալիս ցուցարարներին»,-ասել է Սահակաշվիլին «Դոժդ»-ին տված հարցազրույցում:
Նրա խոսքով, եթե Վրաստանի ժողովուրդը ցանկանա, ինքը կվերադառնա:
Համեմատելով 2008-ին ռուս-վրացական պատերազմը եւ Դոնբասի հակամարտությունը՝ ՌԴ-ի ագրեսիայի եւ ԱՄՆ-ի օգնության համատեքստում, Սահակաշվիլին խոստովանել է, որ Ուկրաինայում ամերիկյան ռազմական օգնությունն զգալիքրեն քիչ է, քան եղել է Վրաստանում: