News
Լրահոս
News
Չորեքշաբթի
Հունիս 29
USD
408.31
EUR
429.75
RUB
7.83
Տեսնել լրահոսը

Նախագահ Սերժ Սարգսյանն այսօր ներկա է գտնվել մայրաքաղաքի Արշակունյաց 2 հասցեում (Մամուլի տուն) «Վիքիմեդիա Հայաստան» գիտակրթական հասարակական կազմակերպության գրասենյակի բացմանը:

Հանրապետության Նախագահը շրջայց է կատարել գրասենյակում, ծանոթացել «Վիքիմեդիա Հայաստան»-ի գործունեությանը եւ առաջիկա ծրագրերին: Նախագահին ներկայացրել են, որ որպես «Վիքիմեդիա» հիմնադրամի հայաստանյան մասնաճյուղ հիմնադրված «Վիքիմեդիա Հայաստան»-ի նպատակն է՝ խթանել վիքի նախագծերի տարածումը եւ զարգացումը Հայաստանում ու տարածաշրջանում, հանրայնացնել ազատ գիտելիքի գաղափարը:

Գրասենյակի կոնֆերանս-սրահում Սերժ Սարգսյանը մասնակցել է Հայաստանում վիքի նախագծերի զարգացմանը վերաբերող հարցերի քննարկմանը, որին մասնակցել են նաեւ ՀՀ կրթության եւ գիտության նախարար Արմեն Աշոտյանը, ՀՀ մշակույթի նախարար Հասմիկ Պողոսյանը, «Ինտելեկտուալ Ռենեսանս» հիմնադրամի տնօրեն Հակոբ Հակոբյանը, հիմնադիր Արթուր Ջանիբեկյանը, «Վիքիմեդիա Հայաստան» ՀԿ նախագահ Սուսաննա Մկրտչյանը, «Վիքիմեդիա» հիմնադրամի խորհրդի նախագահ Յան Բարտ դե Վրիդը, հիմնադրամի գրանտների բաժնի եւ միջազգային հյուսիսային համագործակցության ղեկավար Ասաֆ Բարտովը, «Վիքիպեդիա» կրթական ծրագրի ղեկավար Աննա Կովալը, «Եվրոպեանա ԳԼԱՄ» վիքի ծրագրի համակարգող Ուիլիամ Վիատը, «Ինտելեկտուալ Վերածնունդ» հիմնադրամի տնօրեն Մարինա Սուլթանյանը եւ ծրագրերի համակարգող Արմեն Մարտիրոսյանը:

«Վիքիմեդիա Հայաստան» կազմակերպության գրասենյակի բացման արարողության շրջանակներում մասնակիցները դիտել են նաեւ «Ինտելեկտուալ Ռենեսանս» հիմնադրամի եւ «Վիքիմեդիա Հայաստան» գիտակրթական հասարակական կազմակերպության համագործակցության արդյունքները ներկայացնող տեսանյութ:

Հանրապետության Նախագահը «Վիքիմեդիա Հայաստան»-ի գրասենյակից հետո այցելել է «Միր» միջպետական հեռուստառադիոընկերության ազգային մասնաճյուղ, որին ս.թ. հունիսի 18-ին ՀՀ կառավարության որոշմամբ հատկացվել է 60 մլն դրամ՝ Երեւանում տեղակայված երկրային արբանյակային կայանի վերազինման համար:

Սերժ Սարգսյանը շրջայցի ժամանակ ծանոթացել է ընկերության տեխնիկական հնարավորություններին, վերազինման ընթացքին եւ այդ ուղղությամբ առաջիկա անելիքներին, զրուցել՝ մասնաճյուղի աշխատակիցների հետ: Նախագահին ներկայացվել են «Միր» հեռուստառադիոընկերության ազգային մասնաճյուղի կողմից պատրաստվող արտադրանքը, դրա ծավալները, ստեղծագործական թիմի կողմից պատրաստվող հաղորդումները, որոնք Հայաստանը ներկայացնում են շուրջ 162 մլն դիտող ունեցող «Միր»-ի լսարանին:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Ներկայացվել է HTC սմարթֆոնը Viverse metaverse-ի համար
HTC-ն սարքը գովազդում է որպես Vive Flow VR ականջակալի «կատարյալ ուղեկից»․․
Արհեստական բանականություն. ի՞նչ խնդիրներ կարող է լուծել այն
Արհեստական բանականությունն ինֆորմատիկայի ուղղություն է...
Հայտնի է դարձել Google-ի սերվիսներից մեկի փակման մասին
2022թ. նոյեմբերին Google-ի մեսենջերներից մեկը կդադարեցնի աշխատանքը...
Instagram-ը օգտատիրոջ դեմքի սքանավորմամբ կորոշի նրա տարիքը
Instagram հավելվածի ծրագրավորողները գործարկել են դեմքերի սքանավորման գործառույթ, որը որոշում է օգտատերերի տարիքը, հայտնում է Business Insider-ը՝ հավելելով, որ նոր գործառույթը կիրառվում է Միացյալ Նահանգներում:
Հայտնի են iPhone 14-ի հիմնական նորամուծությունները
«Հիմնական տեսախցիկը ներառում է 48 մեգապիքսել սենսոր: Սմարթֆոնը էկրանի շուրջ կունենա ավելի բարակ շրջանակներ, իսկ դիմապակու վերնամասում երկու կտրվածք կլինի՝ Face ID-ի եւ դիմացի տեսախցիկի համար»,- ասել է սյունակագիրը։
Պեսկովն անհնար է համարել Ռուսաստանի անջատումը գլոբալ ինտերնետից
Ռուսաստանն անհնար է անջատել գլոբալ ինտերնետից...
Ֆոտոռեպորտաժներ