«ԴիջիԹեք» բիզնես ֆորումի ավարտին այս տարի առաջին անգամ անցկացվել է մրցանակաբաշխություն, որի արդյունքում «Տարվա նորարար ընկերություն» է ճանաչվել «Ամերիաբանկ» ՓԲԸ-ն:
Նշենք, որ մրցանակաբաշխությունը կազմակերպվել էր Ինֆորմացիոն տեխնոլոգիաների ձեռնարկությունների միության կողմից (ԻՏՁՄ): «Դիջիբիզնես» մրցանակը տարբեր անվանակարգերով շնորհվել է ոչ ՏՏ ոլորտի ընկերությունների, որոնք իրենց գործունեության մեջ հաջողությամբ կիրառում են ՏՏ լուծումներ:
Հիշեցնենք, որ 8-րդ ամենամյա ԴիջիԹեք բիզնես ֆորումն այս տարի մեկնարկել էր հունիսի 19-ին: Բիզնես ֆորումի պաշտոնական բացման արարողությանը մասնակցել են ՀՀ վարչապետ Հովիկ Աբրահամյանը, ՀՀ Էկոնոմիկայի նախարար Կարեն Ճշմարիտյանը, ԻՏՁՄ նախագահ Ալեքսանդր Եսայանը և այլ պաշտոնական անձիք:
Այս տարի ֆորումին մասնակցել են հայաստանյան ՏՏ ոլորտի և բիզնեսի այլ բնագավառները ներկայացնող ընկերություններ, ինչպես նաև պետական կառավարման ոլորտի կազմակերպություններ, որոնց թիվը հասնում է շուրջ 70-ի:
