Օգոստոսի 14-ին Հունգարիայի մայրաքաղաք Բուդապեշտից մեկնարկել է «Կովկասյան մարտահրավեր» խորագրով Երեւան-Բուդապեշտ ավտոռալլին։
Ռալլիի մասնակիցներն առաջինը կհատեն Սերբիայի սահմանը, այնուհետեւ կանցեն Կոսովոյով, Ալբանիայով ու Հունաստանով։ Դրանից հետո կհատեն Բոսֆորի նեղուցը եւ կճանապարհորդեն ամբողջ Թուրքիայով։ Երթուղին կշարունակվի Վրաստանով, ներառյալ նաեւ Աջարիան, այնուհետեւ կանցի Մեծ Կովկասյան լեռնաշղթայով։
Ռալլիի վերջնակետը Հայաստանն է, սակայն մինչ մայրաքաղաք Երեւան հասնելը, մասնակիցները կլինեն նաեւ Ղարաբաղում։
Մրցաշարն անցկացվում է 2-րդ անգամ: Այս տարի ռալլիին կմասնկացեն թիմեր Հնդաստանից, Լեհաստանից, Մեծ Բրիտանիայից եւ ԱՄՆ-ից։ Ռալլիին կավարտվի օգոստոսի 30-ին, Երեւանում։
Ավտոմրցաշարի պաշտոնական www.caucasianchallenge.com կայքէջի փոխանցմամբ` մասնակիցներն անցնելու են Բալկաններում եւ Կովկասում գտնվող բոլոր այն երկրներով, որոնք հակամարտության գոտիներ են։ Ավտոռալլիի երկարությունը 7 000 կմ է։