ԵԽԽՎ-ն այն հարթակն է, որտեղ Հայաստանի Հանրապետության հակառակորդներն ունեն շատ մեծ առավելություն բարեկամ երկրներ ունենալու իմաստով։ Այսօր՝ ապրիլի 12-ին, Ազգային ժողովում լրագրողների հետ զրույցում ասել է ԵԽԽՎ-ում Հայաստանի պատվիրակության ղեկավար Հերմինե Նաղդալյանը։
«Ենթադրում եմ, որ բավականին սուր քննարկումներ են գնալու հատկապես, որ շատ լավ պատկերացնում եք, որ ԵԽԽՎ-ն այն միջազգային հարթակն է, որտեղ մեր հակառակորդներն ունեն շատ մեծ առավելություն, իրենց բարեկամ երկրների իմաստով։ ԵԽԽՎ-ն այն մարմինն է, որտեղ խնդիրները լուծվում են քվեարկությամբ։ Մեծամասնության ադրյունքով։ Այսինքն՝ այն երկրները, որոնք բնական դաշնակիցներ են, կրոնական դաշնակիցներ են ու ընդհանրություններ ունեն, իրենց թվային առավելությունը արդեն 40-50 ձայնից առավել է։ Սա խոսում է նրա մասին, որ այս անգամ եւս, շուրջ մեկ տարի ունենալու ենք բավական սուր բանավեճեր եւ շատ կարեւոր է, որ եվրոպացի մեր գործընկերները այս անգամ եւս մեզ աջակցեն, ինչպիսին ունեցել ենք հունվարյան նստաշրջանում»,-ասաց Նաղդալյանը։
