Այսօր ոչ ոք զիջումների մասին էլ չի խոսում: Այս մասին այսօր՝ մայիսի 9-ին, Ստեփանակերտում լրագրողների հետ զրույցում, ասաց Լեռնային Ղարաբաղի Հանրապետության պաշտպանության բանակի հրամանատար Լեւոն Մնացականյանը՝ պատասխանելով NEWS.am-ի հարցին, թե ո՞րն է Արցախի համար զիջումների ընդունելի սահմանը:
«Զիջում չկա, ոչ ոք զիջումների մասին չի խոսում, անձամբ ես դրա մասին չեմ լսել»,- ասաց նախարարը: Նա վստահեցրեց, որ սպառազինության որեւէ խնդիր չկա, դրա վառ ապացույցը զինվորի ոգին է:
«Զինվորի ոգին բարձր է, քանի որ հավատում է սպառազինությանը, եթե չհավատար, ոգին բարձր չէր լինի»,- ասաց Լեւոն Մնացականյանը՝ նշելով, որ ամեն ինչ վերահսկելի է:
