«Ես չգիտեմ, թ ե ինչ է Ջավախքը, նման վայր Վրաստանի քարտեզի վրա չկա»,- հայտարարել է Վրաստանի ԱԳ նախարար Գրիգոլ Վաշաձեն՝ Հայաստանի իր պաշտոնակցի՝ Էդվարդ Նալբանդյանի հետ համատեղ ասուլիսում:
Ինչ վերաբերում է հայկական դպրոցների խնդրին, Վաշաձեն հավաստիացրել է, որ բացվել են 103 դպրոցներ, դրանք կահավորված են համակարգիչներով, իսկ այդ դպրոցների ուսուցիչները պատրաստություն են անցել:
Խոսելով հայալեզու տարածաշրջանի խնդիրների մասին՝ Վաշաձեն նկատել է, որ դպրոցականները բազային կրթություն ստանալու են հայերենով, իսկ բուհերի նախապատրաստական կուրսերում նախատեսված է վրացերենի խորացված ուսուցում: «Դա անհրաժեշտ է, որ հայերն ու վրացիները հավասար հնարավորություններ ունենան»,- ամփոփել է Վրաստանի ԱԳՆ ղեկավարը:
Նշենք, որ Վրաստանի արտաքին քաղաքական գերատեսչության ղեկավարը Երեւան է ժամանել երկօրյա պաշտոնական այցով: