Մոսկվան զարմացած է Երեւանում Վերմախտի «Հայկական լեգեոնի» հիմնադիրներից մեկի՝ գեներալ Գարեգին Նժդեհի հուշարձանի տեղադրման առիթով: Ըստ ՌԻԱ Նովոստիի, այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
«Մեծ Հայրենական պատերազմի շուրջ մեր վերաբերմունքը բոլորը հրաշալի գիտեն: Նացիզմի, նեոնացիզմի, ծայրահեղականության հերոսացման, վերածննդի ցանկացած ձեւի հանդեպ մեր վերաբերմունքը նույնպես բոլորին լավ հայտնի է: Այդ վերաբերմունքն արձանագրված է միջազգային փաստաթղթերում: Մեզ համար հասկանալի չէ, թե ինչու է տեղադրվել նշված հուշարձանը, քանի որ մենք բոլորս գիտենք հայ ժողովրդի սխրագործության մասին, դա հայ ժողովրդի անմահ սխրանքն է մեծ Հայրենական պատերազմի ժամանակ»,- ասել է նա:
Գարեգին Նժդեհը (1886թ. դեկտեմբերի 31 - 1955թ. դեկտեմբերի 21) հայ ռազմական եւ քաղաքական գործիչ է, ազգային հերոս: Գարեգին Նժդեհի շնորհիվ խափանվեց Լեռնային Ղարաբաղի եւ Նախիջեւանի օրինակով Զանգեզուրն Ադրբեջանին միավորելու՝ բոլշեւիկների ծրագիրը: