Հայաստանում ընտրությունների ժամանակ ոչ պաշտոնապես կհրապարակվեն քվեարկածների ցուցակները։ Այս մասին ասված է նոր Ընտրական օրենսգրքում փոփոխությունների նախագծում, որն հավանություն է ստացել հունիսի 23-ին Կառավարության նիստում։ Փոփոխությունները պատրաստվել են իշխանությունների, ընդդիմության եւ քաղաքացիական հասարակության ներկայացուցիչների «4+4+4» ձեւաչափի քննարկումների արդյունքում։
Հաշվառման էլեկտրոնային սարքը քվեարկածների համարներով տեղեկանք կտպի։ Ընդ որում, տեղեկանքը չի լինի պաշտոնական։ Դրա վրա ոչ մի ռեկվիզիտ (կնիք, ստորագրություն, տեղամասի համար) չի լինի։
Հիշեցնենք, որ իշխանությունները հրաժարվել էին հրապարակել քվեարկածների ցուցակները՝ նշելով, թե Վենետիկի հանձնաժողովն այդպես է պահանջում։ Սակայն ոչ պաշտոնապես թույլատրել են։ Քվեարկած քաղաքացու համարով ցուցակում հնարավոր կլինի վերականգնել նրա անունը։