Երեւանի Ազատության հրապարակից քիչ առաջ բերման են ենթարկվել Դավիթ Սանասարյանն ու Անդրիաս Ղուկասյանը:

Ազատության հրապարակից բերման են ենթարկվել նաեւ 3 կին եւ 1 տղամարդ: Բացի դրանից, հրապարակից կրկին բերման է ենթարկվել ակտիվիստ Շահեն Հարությունյանը, որը ժամեր առաջ էր ազատ արձակվել:

Նշենք, որ այսօր առավոտից Հանրապետության երեք քաղաքներից` Գյումրի, Վանաձոր եւ Երեւան, բերման են ենթարկվում «Հիմնադիր խորհրդարանի» անդամներ, համախոհներ եւ ակտիվիստներ, այդ թվում, Պետրոս Մակեյանը, գեղանկարիչ Նիկոլ Աղաբաբյանը, Լեւոն Բարսեղյանը, «Հայազն» կուսակցության ներկայացուցիչները:

Հիշեցնենք, որ հուլիսի 17-ի առավոտյան մի խումբ զինված անձինք Էրեբունիում գրոհով վերցրել են ՊՊԾ գունդը եւ պատանդ են վերցրել ոստիկանության սահմանափակ թվով ծառայողների: Մեկ ոստիկան՝ նույն գնդի փոխհրամանատար Արթուր Վանոյանը զոհվել է: Վիրավորվել են եւս չորս ոստիկաններ՝ ոստիկանության գնդապետ Արամ Հովհաննիսյանը, փոխգնդապետ Հրաչ Խոստեղյանը, ոստիկանության ենթասպա Գագիկ Մկրտչյանը, օպերատոր Ռոբերտ Հայրապետյանը, նաեւ ՊՊԾ գնի գրոհին մասնակցած անձանցից մեկը։