Գյումրիի գազալցակայանում տեղի ունեցած պայթյունի պատճառը եղել է լիցքավորման համար կայանված ավտոմեքենայի գազաբալոնի պայթյունը: NEWS.am-ի թղթակիցն հաղորդում է, որ պայթյունի հետեւանքով տուժել են երկու քաղաղաքացի ՝ պատահական անցորդ եւ գազալցակայնի աշխատակից: Գազալցակայանի պայթյունից զգալի վնաս է կրել նաեւ գազալցակայնին՝ վնասվել են հաշվիչները: Գազալցակայանի տնօրեն՝ Արթուր Առնավուտյանը NEWS.am-ի հետ զրույցում ասաց, որ գազաբալոնը վնասված է եղել. «Մասնագետների ու մեր նախնական զննությունից պարզ է դարձել, որ բալոնի վրա կա ճեղք՝ պարզ երեւում է որ կեսը երկաթ է, սպիտակ գույնի, բայց շարունակությունը դառնում է սեւ գույնի, այսինքն ճաք է ունեցել տվյալ բալոնը, որի մեջ լվցել է գազ եւ տեղի է ունեցել պայթյուն»:
Արթուր Առնավուտյանը պատմեց, որ ավտոմեքենայի տերը այն Հայաստան նոր էր բերել եւ անգամ հայկական պետհամարանիշ չի ունեցել՝ միայն գազաբալոնն էին տեղադրել:
Պայթյունից տուժած քաղաքացիներից 56-ամյա՝ Արամ Հովհաննիսյանը ծանր վիճակում տեղափոխվել է Գյումրիի հիվանդանոցի Վերակենդանացման բաժամնունք, իսկ 29-ամյա Արմեն Միքայելանի վիճակը գտնվում է միջին ծանրությանը: Տուժածները ստացել են մարմնական տարբեր աստճանի վնասվածքներ:
Ավելի վաղ տեղեկացրել էինք, որ այսօր՝ օգոստոսի 5-ին, արտակարգ դեպք է գրանցվել Գյումրիի գազալցակայաններից մեկում: Ախուրյանի խճուղի 1/1 հասցեում գործող գազալցակայնում տեղի է ունեցել պայթյուն: