Թուրքիայի ազգային հետախուզական կազմակերպությունը (MIT) Գերմանիայի հետախուզական ծառայությունից օժանդակություն է պահանջել քարոզիչ Ֆեթուլլահ Գյուլենի համախոհների որոնման եւ արտաքսման հարցում, հայտնում է Spiegel-ը: Նշենք, որ Անկարան հենց Գյուլենին է մեղադրում հուլիսի 15-ին Թուրքիայում ռազմական հեղաշրջման փորձի մեջ:
Պարբերականի տեղեկություններով՝ Թուրքիայի իշխանությունները հուլիսի 15-ից Գյուլենի համախոհների հետախուզման 40 եւ արտաքսման 3 դիմում են ուղարկել Գերմանիա: Թուրքիայի դեսպանատունը բազմիցս դիմել է 11 դաշնային հողերի իշխանություններին՝ նախազգուշացնելով Գյուլենից եկող վտանգի մասին: Սակայն շրջանային մակարդակով իսլամիստ քարոզչի կողմնակիցներին հետեւելու մասին որոշում Գերմանիայում չի կայացվել:
Պարբերականը հայտնում է, որ թուրքական կողմը Բեռլինի եւ Բադեն Վյուրթեմբերգի իշխանություններին մատնանշել է ուսումնական հաստատությունները ստուգելու անհրաժեշտության մասին, սակայն այդ պահանջը նույնպես մերժվել է:
