Գյումրիի նորընտիր ավագանու այսօրվա՝ հոկտեմբերի 10-ի նիստում Սամվել Բալասանյանն ստանձնել է Գյումրիի քաղաքապետ, այնուհետեւ երդվել: «ԳԱԼԱ», ԲՀԿ եւ «Հայկական վերածնունդ» կուսակցությունները բոյկոտել են նիստը:

NEWS.am-ի թղթակիցն հաղորդում է, որ դրանից հետո Բալասանյանը զբաղեցրել է քաղաքապետի համար նախատեսված աթոռն ու սկսել է վարել նիստը, որի ընթացքում քննարկվել են օրակարգային հարցերը: Բոլոր հարցերը հաստատվել են միաձայն:

Հաստատվել է նաեւ ավագանու հաջորդ նիստի օրը, այն  տեղի կունենա  նոյեմբերի 10-ին:

Նիստից հետո Սամվել Բալասանյանն այցելել է Շիրակի թեմի առաջնորդ Միքայել եպիսկոպոս Աջապահյանին, որտեղ նշել է, որ շարունակելու է զբաղվել Գյումրիի բարեկարգմամբ:

Հիշեցնենք, որ հոկտեմբերի 9-ին թիվ 34 ԸԸՀ-ում տեղի ունեցած նիստի «Բալասանյան դաշինքը»  ստացել էր 17, «Բարգավաճ Հայաստան» կուսակցությանը 8, «Հայկական վերածնունդ» կուսակցությունը՝ 4, ԳԱԼԱ կուսակցությանը՝ 4 մանդատ։