Մոսկվա-Երեւան ուղերթի ուղեւորատար ավտոբուսի վթարի հետեւանքով զոհվել են 17-ամյա կարատեիստն ու նրա մարզիչը, երկուսն էլ Դոնի Ռոստովի երկրամասից։ Այս մասին հայտնում է «Միր 24» հեռուստաալիքը։ Վթարի հետեւանքով զոհվածների թիվը հինգն է։ Եվս 27 մարդ էլ տուժել է։

«Վթարի պահին մենք քնած էինք։ Արթնացանք աղմուկից, ընկնելուց։ Ես ամբողջ մարմնով դողդողում էի»,- պատմել է ավտոբուսի ուղեւոր Հասմիկ Փարեմուսյանը։

«Սկսեցինք մուրճերով ջարդել ապակիները ու դուրս եկանք։ Հանեցինք պատուհանը ու օգնում էինք, որ տղաները մյուսներին էլ փրկեն»,- պատմում է ավտոբուսի ուղեւոր Ստեփան Խաչատրյանը։

Հիշեցնենք, որ ճշգրտված տվյալներով՝ զոհվածներից երեքը Ռուսաստանի քաղաքացիներ են, երկուսը ՝ Հայաստանի։

Զոհվածների ցուցակը․

Լունոնյան Ա․Պ․ 1960 թ․ ծնված, ՀՀ քաղաքացի

Պողոսյան Յու․Ս․ 1960թ․ ծնված, ՀՀ քաղաքացի

Լազուկին Ա․ Վ․ 1968 թ․ ծնված, ՌԴ քաղաքացի

Պանչենկո Վ․ Մ․ 1973 թ․ ծնված, ՌԴ քաղաքացի

Մամչենկո Ս․Ս․1999 թ․ծնված, ՌԴ քաղաքացի

Վթարի կապակցությամբ քրեական գործ է հարուցվել ՌԴ ՔՕ 264 հոդվածով։

Հիշեցնենք, որ ինչպես ավելի վաղ տեղեկացրել էր NEWS.am,-ը, հոկտեմբերի 14-ին ժամը 04։30-ին Վլադիկավկազի շրջանում Մոսկվա -Երեւան ավոբուսը բախվել էր «Սկանիա» բեռնատարին։

Վթարի հետեւանքով տուժել է 27 մարդ, զոհվել՝ 5-ը։ Հիվանդանոց է տեղափոխվել 10 մարդ, մնացածին տեղավորել են Բեսլանի Մշակույթի տանը։