Հայաստանի մարդու իրավունքների պաշտպանը ցանկացած պահի կկարողանա ազատազրկման վայրեր այցելել: Այս մասին ասված է «Մարդու իրավունքների պաշտպանի մասին» սահմանադրական օրենքի նոր խմբագրման նախագծում: Կառավարության օրինագիծը նոյեմբերի 28-ին ՀՀ Ազգային ժողովում ներկայացրել է արդարադատության փոխնախարար Արթուր Հովհաննիսյանը:
Ավելին, օմբուդսմենի կամ նրա հանձնարարությամբ ազատազրկման վայրեր այցելած ցանկացած այլ անձի համար խոչընդոտներ ստեղծելու դեպքում պետական պաշտոնյաներն ու այլ անձինք պատասխանատվության կենթարկվեն: