Ադրբեջանի Միլի Մեջլիսի պատգամավոր Էլմիրա Ախունդովան պահանջում է վերականգնել մահապատիժը:
ԱՊԱ-ի հաղորդմամբ՝ խորհրդարանի նիստում ունեցած ելույթում Ախունդովան նշել է, որ վիճակագրությունն ընտանիքում կանանց հանդեպ բռնության դեպքերի աճ է ցուցադրում. «Նման մարդիկ պետք է մահապատժի ենթարկվեն: Ծանր հանցագործություն կատարող, իրենց կանանց գլուխը կտրող, անչափահասներին բռնաբարող մարդիկ մահապատժի են ենթարկվում նաեւ այլ երկրներում: Ինչո՞ւ մեզ մոտ նման պրակտիկա չկա»:
Այս հայտարարությանը փոխխոսնակ Բահար Մուրադովան պատասխանել է, որ անցյալ վերադառնալու եւ մահապատիժը վերականգնելու կարիք չկա:
