Լեհաստանում երկրաշարժից երեք հանքափոր է զոհվել, եւս 5-ի որոնումները շարունակվում են։ Լեհաստանի ռադիոն հայտնում է, որ նոյեմբերի 29-ի երեկոյան Պալկովիցեի Ռուդնա հանքահորում, որը պատկանում է KGHM կոնցեռնին, ստորգետնյա ցնցումներից զոհվել է 3 հանքափոր։ Եվս հինգ աշխատողի որոնում են։
Ստորգետնյա ցնցումը շատ ուժեղ է եղել, այն մեծ ավերածությունների պատճառ է դարձել։ Երկրաշարժի էպիկենտրոնը եղել է 1100 մ խորության վրա, դրա ուժգնությունը եղել է 10 բալ։