Եթե օրենքով է թուրքական մթերք ներմուծվում, չենք կարող արգելել: Այս մասին այսօր՝ դեկտեմբերի 1-ին, կառավարության նիստից հետո լրագրողների հետ զրույցում ասել է գյուղատնտեսության նախարար Իգնատի Առաքելյանն՝ անդրադառնալով թուրքական լոլիկի ներկրկմանը։
«Մենք աշխատում ենք Հայաստանում լոլիկ եւ վարունգ արտադրող տնտեսությունների, նրանց ներկայացուցիչ ասոցիացիայի հետ: Բոլոր պետական մարմիններն աշխատում են, որ հարցը պարզաբանեն: Եթե դա օրենքից դուրս է, պետք է կարգավորվի օրենքի շրջանակներում»,-ասաց նա:
Նոր տարին նոր բնակարանում՝ սկսած 6% տարեկան տոկոսադրույքով վարկի միջոցով «Երիտասարդ ընտանիքին՝ մատչելի բնակարան» ծրագրի շրջանակներում վարկերը մինչև ս.թ. դեկտեմբերի 30-ը տրամադրվում են սկսած 6% տարեկան տոկոսադրույքով |
ՊԵԿ-ի մաքսանենգության հարցերով զբաղվող բաժինը կզբաղվի այդ խնդրով: Եթե լինեն փաստեր, թե Սննդի անվտանգության ծառայությունը, թե ՊԵԿ-ը պատրաստակամ են, որ գնան այդ հասցեով եւ շարունակեն ուսումնասիրությունը»,ասաց նախարարը՝ հավելելով, որ եթե օրենքով է թուրքական մթերք ներմուծվում, չեն կարող արգելել. «Ամեն ինչ պետք է լինի օրենքի սահմաններում»:
Ավելի վաղ NEWS.am-ը հայտնել էր, որ Գյուղնախարարությունում նախօրեին կայացած խորհրդակցության ժամանակ նշվել է, որ այսօր հանրապետությունում իրացվում է նաեւ Թուրքիայից ներկրված լոլիկ եւ վարունգ, սակայն այս պահին նոր խմբաքանակ չի ներմուծվում: Հայաստանի ջերմատնային ասոցիացիայի նախագահ Պողոս Գեւորգյանը նշել է, որ գյուղնախարարություն դիմելուց հետո ներկրումները դադարել են, մայրաքաղաքի Մալաթիայի գյուղմթերքների շուկայում ներկրված լոլիկ այլեւս չկա, առկա է պահեստավորված լոլիկ եւ վարունգ, որը պարբերաբար որոշակի քանակներով շուկայահանվում է:
Նախարար Իգնատի Առաքելյանն էլ նշել է, որ ահազանգը ստանալուց հետո խնդիրը մշտապես գտնվել է պատկան մարմիների ուշադրության կենտրոնում. «Անհրաժեշտ է դիտարկել նաեւ հարցի տնտեսական կողմը եւ լուրջ ուշադրություն դարձնել տեղական արտադրանքի մրցունակության բարձրացման հարցին, որպեսզի ներկրվող գյուղմթերքի նկատմամբ տեղականը չհայտնվի ոչ շահեկան վիճակում: Միգուցե նախընտրելի է դիվերսիֆիկացնել արտադրանքի տեսականին: Ներկայացրեք առաջարկներ, մենք մշտապես պատրաստ ենք եւ բաց ցանկացած ձեւաչափով քննարկումների համար»: