Ռուսաստանի Քննչական կոմիտեն խարդախության մեղադրանք է առաջադրել «Ռոսկոսմոս»-ի գործադիր տնօրեն Վլադիմիր Եվդոկիմովին: Այս մասին Մոսկվայի Բասմանի շրջանի դատարանում հայտնել է քննիչը, որը կասկածյալին կալանավորելու միջնորդություն է ներկայացրել, փոխանցում է «ՌԻԱ Նովոստի»-ն:
«Եվդակիմովին մեղադրանք է առաջադրվել «Կազմակերպված խմբի կազմում ծառայողական դիրքի չարաշահմամբ առանձնապես խոշոր չափով խարդախության» հոդվածով: Նա «ՄիԳ» ռուսական ավիաշինական ընկերության գույքի առնվազն 200 մլն ռուբլու չափով խարադախություն է կատարել»,- հայտարարել է քննիչը:
Որակի եւ հուսալիության ապահովման գծով գործադիր տնօրենը ներկայումս ձերբակալված է:
