Կոլումբիայի իշխանությունները դեկտեմբերի 1-ին հայտնել են, որ Lamia ավիաընկերության օդանավի կործանումից զոհված բոլոր 75 մարդկանց, այդ թվում «Շապեկոենսե» ֆուտբոլային ակումբի խաղացողների եւ ղեկավարության անդամների ինքնությունը պարզվել է, հայտնում է Reuters–ը։
Զոհված ֆուտբոլիստների եւ ակումբի ղեկավարների մարմինները կտեղափոխեն Բրազիլիայի Շապեկո քաղաք։ Ֆուտբոլիստների հրաժեշտի արարողությունը տեղի կունենա քաղաքային մարզադաշտում։
Օդանավը կործանվել էր անցած երեքշաբթի՝ Մեդելինից 50 կմ հեռավորությամբ: Օդանավում 77 մարդ է եղել՝ անձնակազմի 9 անդամ եւ 68 ուղեւոր՝ ներառյալ բրազիլական «Շապեկոենսե» ֆուտբոլային ակումբի խաղացողները եւ անձնակազմը, որը թռչում էր մասնակցելու Հարավամերիկյան գավաթի եզրափակիչի առաջին հանդիպմանը «Աթլետիկո Նասյոնալի» դեմ: Ողջ է մնացել 6 մարդ, որոնցից երեքը «Շապեկոենսե»-ի խաղացողներ են՝ Ալան Ռուշելը, Ջեքսոն Ֆոլմանը եւ Խելիո Սամպիեր Նետոն: Զոհվել է 75 մարդ:
