Ժամեր առաջ մահվան ելքով վրաերթ է տեղի ունեցել Վանաձորում: NEWS.am-ի թղթակիցը հաղորդում է, որ ժամը 20:00-ի սահմանում Volkswagen մակնիշի 33 ԼP 730 համարանիշի ավտոմեքենան Վանաձորի Կարեն Դեմիրճյան փողոցում վրաերթի է ենթարկել 67-ամյա Վիլեն Կիրակոսյանին:
Վարորդը վրաերթի ենթարկվածին իր մեքենայով անմիջապես տեղափոխել է Վանաձորի բժշկական կենտրոն, որտեղ սակայն տուժածը գիտակցության չգալով՝ մահացել է: Վրաերթի հեղինակ վարորդը հիվանդանոցից հետո հանձնվել է ոստիկանությանը: Մեքենան գտնվում է տուգանային հրապարակում:
Դեպքի առթիվ քննություն է տարվում: